وشەدان

سەرچاوە: نالی

ئیحرام

بەرگی ئیحرام، قوماشێکی نەدووراوە حاجی لە کاتی حەجدا ئەیکاتەبەر.

تەنی حاجی لەسەر چوارچێوەیی ناجیی دەڵێی نەعشە
لوعابی خۆر لەسەر ئیحرامی وەک کافووری ئەکفانە

سەرچاوە: نالی

ئەییام

ڕۆژان، سەردەم.

شێخم! وەرە دەر، فەصڵی بەهار و گوڵ و گەشتە
ئەییامی لە گەرمابە خزان وەقتی خەزانە!

سەرچاوە: نالی

بام

بان.

ئەی میهری میهرەبان وەرە سەر بامی بامیداد
دا مەهڕووان ببن بە هیلالی شەوی میحاق

سەرچاوە: نالی

تەمام

هەموو. ڕاست.

ئیشارەم کردە ئەبرۆی، یەعنی: میحرابت کەچە، فەرمووی:
ئەمە قیبلەی تەمامی عالەمە، جێی جیلوە ئیمامە

سەرچاوە: نالی

جام

پیاڵەی مەی.

جامی تاقی مەیکەدە میشکاتی قیندیلی دڵە
شیشە پڕ قەرقەف لە ڕەفڕەف شاهی عالی ڕەفڕەفە

سەرچاوە: نالی

جام ی - یەکەم

جامی مەی.

حەوادیث جام و دەوران بوو بە ساقی
لە بەزمی جامی جەمشیدی نەما باس

سەرچاوە: نالی

خام

کاڵ، نەبرژاو، پێ نەگەیشتوو.

لە ئاب و تاب و ئەشک و ئاهی خۆمدا بووم بە بوریانیی
لەباتیی پوختەگیی سووتام و ئیستەش پێم دەڵێ: خامە

سەرچاوە: نالی

خوددام

جەمعی خادیمە واتە، نۆکەر.

چ حوجرە؟ حوجرەیی عولیا، کەوا نەعلەینی خوددامی
دوڕی تاجی سەری قو ط ب و وەلییو و شاه و سوڵطانە!

سەرچاوە: نالی

دام

داو.

صۆفیی لە فەقر و فاقە وەکو فاقە فاقی دا
تەسبیحی دام و دانەیە، ڕیشی دو فاقی فاق

سەرچاوە: نالی

سەرشەقام

گەڕەکێکە لە گەڕەکەکانی بەشی خوارووی سولەیمانی.

داخۆ دەروونی شەق نەبووە (پردی سەرشەقام) ؟!
پیر و فوتادە تەن نەبووە (داری پیرمەسوور) ؟!

سەرچاوە: نالی

سەفەرمام

سەفەرمدام.

ئەفەس هەروا لە ڕێدا دێت و نایێ
لە سەیر و مەیری ئەسبابی سەفەرمام

سەرچاوە: نالی

شام

ئێوارە.

لە سایەی ڕوویی تۆوە شامی خەڵقیی طەڵعەتی صوبحە
لە شامی زوڵفی تۆوە صوبحی ئێمە ظوڵمەتی شامە

سەرچاوە: نالی

شەمام

شەمامە.

یا تازە هەنارێکی کەناری گوڵی مابێ
بێ درز و قڵیش میثلی شەمامێکی تەڵا بێ

سەرچاوە: نالی

عام

گشتی و هەموو کەس گرەوە.

بەو ڕەحمەتە عامەت کە دەکا سەنگی سییەهـ زەڕ
لەم قەلبە کە وەک بەردە، ڕەشە، « رش رشاشا »

سەرچاوە: نالی

غوڵام

نۆکەر.

« نالیی » کە غوڵامی مەدەدی زوڵف و برۆتە
شاهێکی لە بن سایەیی باڵی دوو هومادا

سەرچاوە: نالی

قەوام

هۆی ڕاگیر بوون.

چ نوورێکە لە حوجرەی ڕەوضەدا وا قائیمە قوببەی،
قەوامی عەرش و فەرش و قەلبی ئینس و قالەبی جانە!

سەرچاوە: نالی

مام

مامەوە.

لە قوربی (قاب قوسین) ی دو ئەبرۆت
منی (أدنی) چ دوور و دەربەدەر مام!

سەرچاوە: نالی

مەدام

هەمیشە.

چاوی هەمڕەنگی گوڵی، مەستی شەو و ڕۆژن مەدام
یەک لە نەشگوفتەی بەنەفشە، یەک لە نەیلۆفەڕ دەکا

سەرچاوە: نالی

مەقام ی دووهەم

مەقامی حەزرەتی ئیبراهیم، شوێنێکە لە کەعبە ئەڵێن ئیبراهیم نوێژی تیا کردووە.

مەقام و زەمزمەی حادیی، لە شەوقی کەعبە و حوجرەی
مەقام و زەمزەمە، وا ئوشتری هێنانە جۆلانە

سەرچاوە: نالی

مەقام ی یەکەم

ئاهەنگ و ئاوازەی مۆسیقا. بە ئاوازێکی تایبەتییش ئەوترێ.

مەقام و زەمزمەی حادیی، لە شەوقی کەعبە و حوجرەی
مەقام و زەمزەمە، وا ئوشتری هێنانە جۆلانە

تۆڕی زاراوەپارێزیی وشەدان